കേരളത്തിലേക്ക് കൂടുതൽ ഈർപ്പമുള്ള കാറ്റ് എത്തുന്നതിനാൽ അടുത്ത ദിവസങ്ങളിൽ വ്യാപക മഴയ്ക്കും ഇടിയോടുകൂടിയ ശക്തമായ മഴയ്ക്കും സാധ്യത ഉയർന്നിരിക്കുകയാണ്. പ്രത്യേകിച്ച് ഉച്ചയ്ക്ക് ശേഷവും രാത്രിയിലും. കേരളത്തിൽ അടുത്ത ദിവസങ്ങളിൽ മഴ കൂടുതൽ ശക്തമാകാൻ സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രങ്ങളുടെ മുന്നറിയിപ്പ്. ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദ മേഖല കൂടുതൽ ശക്തിപ്പെടുന്നതിനോടൊപ്പം തെക്കുപടിഞ്ഞാറൻ കാലവർഷത്തിന്റെ മുന്നേറ്റത്തിനും അനുകൂല സാഹചര്യങ്ങൾ രൂപപ്പെട്ടിരിക്കുകയാണ്. ഈ ആഴ്ച അവസാനത്തോടെ ആൻഡമാൻ കടൽ മേഖലയിൽ കാലവർഷം പ്രവേശിക്കാനിടയുള്ളത് കേരളത്തിലെ മൺസൂൺ സീസണിലേക്കുള്ള പ്രധാന സൂചനയായാണ് കണക്കാക്കുന്നത്. തെക്കുപടിഞ്ഞാറൻ ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദം വടക്കുകിഴക്കോട്ട് നീങ്ങി കൂടുതൽ സംഘടിതമാകുകയാണ്. ഇതോടനുബന്ധിച്ച ചക്രവാതചുഴി അന്തരീക്ഷത്തിന്റെ മുകളിലത്തെ പാളികളിലേക്കും വ്യാപിച്ചിരിക്കുകയാണ്. ഈ സാഹചര്യത്തിൽ കേരളത്തിലേക്ക് കൂടുതൽ ഈർപ്പമുള്ള കാറ്റ് എത്തുന്നതിനാൽ അടുത്ത ദിവസങ്ങളിൽ വ്യാപക മഴയ്ക്കും ഇടിയോടുകൂടിയ ശക്തമായ മഴയ്ക്കും സാധ്യത ഉയർന്നിരിക്കുകയാണ്. പ്രത്യേകിച്ച് ഉച്ചയ്ക്ക് ശേഷവും രാത്രിയിലും. വടക്കൻ കേരളം മുതൽ മധ്യകേരളം വരെയുള്ള മലയോര മേഖലകളിൽ മഴ ശക്തമാകാനുള്ള സാധ്യത കൂടുതലാണെന്നാണ് വിലയിരുത്തൽ.
