സംസ്ഥാനത്ത് നവരാത്രി ആഘോഷങ്ങളോട് അനുബന്ധിച്ച് ഒക്ടോബർ 19 തിങ്കളാഴ്ച പൊതുഅവധി പ്രഖ്യാപിച്ച് സർക്കാർ ഔദ്യോഗിക ഉത്തരവിറക്കി.
സംസ്ഥാനത്തെ എല്ലാ സർക്കാർ, അർദ്ധസർക്കാർ, പൊതുമേഖലാ സ്ഥാപനങ്ങൾക്കും നെഗോഷ്യബിൾ ഇൻസ്ട്രുമെന്റ് ആക്ട് പ്രകാരം പ്രവർത്തിക്കുന്ന സ്ഥാപനങ്ങൾക്കും പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ഈ പൊതുഅവധി ബാധകമായിരിക്കും.
ഈ വർഷം ഒക്ടോബർ 18-ന് വൈകിട്ടാണ് പൂജവെപ്പ് ചടങ്ങുകൾ ആരംഭിക്കുന്നത്. ഇതിന്റെ പശ്ചാത്തലത്തിലാണ് ഒക്ടോബർ 19-നും അവധി അനുവദിക്കണമെന്ന ആവശ്യം സംഘടന മുന്നോട്ടുവെച്ചത്. ഒക്ടോബർ 19 തിങ്കളാഴ്ച ദുർഗാഷ്ടമിയും, 20 ചൊവ്വാഴ്ച മഹാനവമിയും, 21 ബുധനാഴ്ച വിജയദശമിയുമാണ്.
കേരള സർക്കാരിന്റെ ഔദ്യോഗിക കലണ്ടറിലും ഈ ദിവസങ്ങൾ യഥാക്രമം ഒക്ടോബർ 18-ന് പൂജവെപ്പ്, 19-ന് ദുർഗാഷ്ടമി, 20-ന് മഹാനവമി–ആയുധപൂജ, 21-ന് വിജയദശമി–പൂജയെടുപ്പ് എന്നിങ്ങനെയാണ് രേഖപ്പെടുത്തിയിട്ടുള്ളത്.
പുതിയ ഉത്തരവ് പ്രകാരം ഒക്ടോബർ 18 മുതൽ 21 വരെ തുടർച്ചയായി നാല് ദിവസത്തെ അവധി ലഭിക്കും. ശനിയാഴ്ചത്തെ അവധി കൂടി കണക്കിലെടുക്കുമ്പോൾ നവരാത്രിയോടനുബന്ധിച്ച് ഇത്തവണ ആകെ അഞ്ച് ദിവസത്തെ തുടർച്ചയായ അവധിയാണ് ലഭിക്കുക.
